Home

10/15/2013

افتقد

at 7:00 PM 0 مختبئينـــــــــي
 
 
 
 
وحشني وحشنى بتفاصيله بنظرته

وحشني فكرة ان يومى مش بيكمل غير لما بشوفه هو وبس

وحشنى هزارنا ووحشنى كمان ازاى كان بيقدر يخلينى ابتسم مهما كنت حاسه ايه من جوايا
بيضحكنى من جوة قبل برة بيفرح قلبي بيمده باوكسجين خاص اسم الاوكسجين هو اسمه
ومن وقت ما غاب اصبحت بشم تراب وبس
انا فقده فقد الحب

وحشونى وحشونى بلمتهم بضحكتهم بكلامهم
وحشونى بتجمعهم وحكايتهم وفكرة وجودهم في حياتى
كانت بتديينى الامان ... بطمنى ... بتدفينى من جوة اوى
بس من وقت ما اتفرقنا وانا السقعه ماليه جسمى مليانى من جوة ومحدش قادر يغطينى زى ما هما كانوا بيغطونى

انا لما فقدهم .. فقد الامان


وحشاني حاسه انى عايشه بس من غيرك كإن روحى غايبه
بضحك وبتنفس بس مش زى وانتى معايا
كل شئ موجود بس من غير الوان كل شئ فاقد زهوته وفاقد طعمه
الحياه من غيرك وحشه فعلا
معرفش ازاى مبتكنيش متخيله كده
افتقد حاجات كتير من فقدانى ليكى
وبرغم طول المسافات هيفضل قلبي عندك
وروحى عندك

انا لما فقدك ... فقد نفسي


ربما جميعكم الان غائبون عنى وغائبه انا عنكم بحكم الظروف

لكنكم معى في كل لحظه اكمل يومى حينما اتخيلكم واستلهمكم واستحضركم معى في كل المواقف
واتخيلنى احكى اليكم كيف هو شعوري وابتسم لكم واكتفي واقفل الحوار ثم ارحل ...

فذلك يجعلنى اكمل حياتى بشكلآ او بآخر

7/03/2013

ذكرينى صديقتى

at 6:30 AM 0 مختبئينـــــــــي


ذكرينى صديقتى حين يمر الزمن
وانسي ذكرينى بماذا كنت اريد
انا افعل كيف اردت
ان اربي اولادى على القيم الاخلاقيه
كيف اردت لهم الحريه والحياه السعيده

كيف اردت ان يكون لهم حياتهم المستقله
حين اقسي عليهم او ارفض لاحد منهم 
شيئاً يريده  او امنعه عن هوايته
ذكرينى انى لم ارد ذلك

ذكرينى لان مع الزمن ننسي ما حدث لنا من اهلنا
وكنا لا نريده ان يحدث لاطفالنا

ذكرينى حين تحين اللحظه ان اختار الرجل المناسب
لاطفالي
ان يكون عطوف وحنون 
لا يتركهم عند اول منعطف
ان يقسوا ثم يحن عليهم بعد لحظات 
لان قلبه ضعف بسبب دموعهم
ذكرينى ان اختار رجلا حقيقي يقف معى
في مهب الريح 
يجعل من اطفالي رجالا في المستقبل
وسيدات يحلف بيهم الجميع باخلاقهم وعلمهم

صديقتى حين انسي
او اتناسي 
او اضعف امام اي شئ
ذكرينى وقوينى بما كنت احلم به
 كونى انتى اداه الزمن للماضي
كونى انتى مرشدتى 
لاتجعلينى اضل الطريق
مهما كلفك الامر

ذكرينى باحلامى 
وانى يجب ان تمسك بها لاخر قطره من حياتى
الا ادع الحياه تسيطر علي
كما تفعل معانا دائما
ذكرينى انى اقوى من الظروف دائما 
كما اعتدنا ان نمر بجانب المشاكل
والحزن 
ونضحك
كما اعتدنا ان نتفائل دائماً
ونشد اذر بعضنا 

وان نسيتى ان تفعلي كل ذلك
فقط افعلي ما اعتدت عليه منك دائما
كونى بجانبي 
فقـــــط
يا صديقتى 
فان اشتدت الحياه علي سنتقاسم
المحنه  سوياً
وستغدوا اسهل 
وقتهــا

7/02/2013

بدايه

at 1:01 AM 0 مختبئينـــــــــي
هو انا لازم اكتب

اه لازم تكتبي وتجبري نفسك تكتبي كمان

لازم ابتدى اى بدايه

يارب انشط ... يارب ارجع اكتب
يارب ابطل كسل

ليه المدونه اسمها مختبئه
مش علشان في حاجه اخبيها
اطلاقا طبعا :)
انا طول عمرى واضحه
بس علشان كتير اوى 
في فترات بتعدى علينا من كتر ما اللى جوانا
بيكون اكبر من استحمالنا بنفضل نستخبي ورا اي شئ
ومنظهرش اى تاثير او ضعف
بنفضل نختبأ في اي شئ يشغلنا ميخلاناش نحس
باللي حصل 

لذا في  هذه الفتره
الاختباء هو الحل

اتمنى استمر ادون اتمنى استمر
اكتب شئ مفيد
لانى لو كملت بالاسلوب دة
هتتحول المدونه من الاختباء للهبل
ويا محلاها عيشه الهبل


:) يلا العواف
 

حوليـات مختــــبئه Copyright © 2011 Design by Ipietoon Blogger Template | web hosting